Breytingarskeiðið

Hjá GynaMEDICA vinnum við saman sem teymi læknis og hjúkrunarfræðings með það að markmiði að styðja við og halda utan um okkar skjólstæðinga. Þjónustan felur í sér tvö viðtöl, fyrst við hjúkrunarfræðing og svo við lækni sem og rafræna eftirfylgni í gegnum „fyrirspurnir” á vefsíðu okkar í þrjá mánuði.

​

Þú hefur val um að mæta til okkar í Lífstein, Álftamýri 1, eða bóka fjarviðtal. Fyrir tímann færð þú sendan spurningalista og fræðsluefni sem gott er að fara yfir áður en þú mætir í fyrsta viðtal. Fyrri tíminn er ítarlegt viðtal við hjúkrunarfræðing þar sem farið er yfir þína sögu, hvaða einkenni eru að hafa hvað mest áhrif á þína líðan og lífsgæði og ráðleggingar gefnar varðandi lífsstíl og annað. Hjúkrunarfræðingur bókar þig svo í viðtal hjá lækni. Það geta liðið nokkrir dagar á milli tímanna.

​

Læknir fer yfir meðferðarmöguleika með þér og saman leggið þið plan um næstu skref. Ef þú færð meðferð á einverju formi er ráðlagt að þú bókir að auki tíma í eftirfylgni að 3 mánuðum liðnum. Fram að þeim tíma hefur þú aðgang að þínum hjúkrunarfræðingi í gegnum heimasíðuna okkar þar sem þú getur sent inn fyrirspurnir varðandi framgang meðferðar ef spurningar vakna, þér að kostnaðarlausu.

​​​

Heildarverð fyrir bæði viðtölin og aðgengi að hjúkrunarfræðingi fram að eftirfylgni er kr. 34.900. Greitt fyrir báða tímana við fyrstu bókun.​

​

Ef svo vill til að þú finnur ekki tíma sem þér hentar í gegnum bókunarsíðuna þá getur þú sent tölvupóst á bokanir@gynamedica.is og við aðstoðum þig við að finna tíma sem hentar. ​​